कालोबजारी रोक्न दिप्रुङमा बजार अनुगमन

खोटाङ, चैत्र १८

‘लकडाउन’को अवधिमा हुने कालोबजारी र कृत्रिम अभाव नियन्त्रणका लागि खोटाङको दिप्रुङ चुईचुम्मा गाउँपालिकाले बजार अनुगमन गरेको छ। कोरोना भाइरस (कोभिड–१९)को रोकथाम तथा नियन्त्रणका लागि लगाइएको ‘लकडाउन’को अवधिमा हुने मूल्यवृद्धि एबं कृत्रिम अभाव नियन्त्रणका लागि गाउँपालिकाले सोमबार डाँडागाउँस्थित ओख्रेका खुद्रा तथा किराना पशल अनुगमन गरेको हो। 

बिश्वव्यापी संकट र महामारीका समयलाई कतिपय व्यवसायीले ‘कमाई गर्ने मौका’कारुपमा उपयोग गर्ने र त्यसको प्रत्यक्ष मारमा सर्वसाधारण पर्ने सम्भावना देखिएकाले बजार अनुगमन गरिएको गाउँपालिका अध्यक्ष भूपेन्द्र राईले बताए।

खाद्य संकट निम्तिन नदिन बजारमा आवश्यक मात्रामा दैनिक उपभोग्यवस्तु रहे/नरहेको विषयमा बुझ्नका लागि पनि गाउँपालिकाले बजार अनुगमन गरेको हो। क्रमशः अन्य वडाका बजार तथा पशल अनुगमन गर्ने गाउँपालिकाले जनाएको छ।

‘लकडाउन’ सुरु भएसँगै कतिपय ठाउँमा मूल्या वृद्धि भएको सर्वसाधारणको गुनासो आइरहेको अध्यक्ष राईले बताए। ‘यो संकटको घडीमा कतिपय व्यवसायीले कमाउ धन्धा चलाउन सक्छन्, मूल्या वृद्धि गर्न सक्छन् वा कृत्रिम अभाव सिर्जना गर्न सक्छन्,’ गाउँपालिका अध्यक्ष राईले भने, ‘यो बेला हुनसक्ने कालाबजारी रोक्नका लागि बजार अनुगमन गरिएको हो। बजारमा उपभोग्य सामानको पुग्ने मात्रामा स्टक छन्छै/नन् भन्ने विषयमा पनि जानकारी लिएका छौँ।’

गाउँपालिकाले संकटलाई कमाउने अवशरकारुपमा नलिइ मानवीय सहयोग गर्ने अवशरकारुपमा लिन व्यवसायीलाई आग्रह गरेको छ। गत चैत १५ गतेको गाउँ कार्यपालिकाको बैठकले ‘लकडाउन’को अवधिमा अत्यावश्यक खाद्य तथा औषधिको अभाव हुन नदिने निर्णय गरे अनुशार बजार अनुगमन गरिएको हो।

 विभिन्न बजारमा खाद्य सामग्रीको कृत्रिम अभाव सिर्जना गर्ने र बढि मूल्या लिने गरेको गुनासो आएको भन्दै गाउँपालिकाले आगामी दिनमा कालोबजारी गरेको पाइएमा कानुनी कारबाही गर्ने चेतावनी दिएको छ। यस्तै, कालोबजारी गरेको पाइएमा गाउँपालिका वा प्रहरीलाई जानकारी दिन सर्वसाधारणका लागि सूचना जारी गरेको छ। ‘लकडाउन’ भएसँगै जिल्लामा मूल्या वृद्धि भएको गुनासो आइरहेका छन्।

-->

सम्बन्धित शीर्षकहरु