भारतविरुद्धको पहिलो टि–ट्वेन्टी क्रिकेटमा वेष्ट इन्डिज विजयी

ballकाठमाडौं, भदौ १२ – भारतविरुद्धको पहिलो ट्वेन्टी ट्वेन्टी क्रिकेटमा आयोजक वेष्ट इन्डिज एक रनले विजयी भएको छ ।

वेष्ट इंडिजको लडरहिलमा शनिबार राती भएको खेलमा दुबै इनिङमा गरेर किर्तीमानी ४ सय ८९ रन बनेको थियो ।

खेलमा पहिले व्याटिङ गरेको घरेलु टोली वेष्ट इंडीजले २० ओभरमा ६ विकेट गुमाएर २ सय ४५ रन बनायो ।

उसका लागि एभिन लेविसले ४८ बलमा शतक प्रहार गर्दा जोन्सन चाल्र्सले ३३ बलमा ७९ रन जोडे । वेष्ट इंडिजले खेलमा २१ छक्का प्रहार गरेको थियो ।

जवाफमा २ सय ४६ रनको विशाल लग्क्ष्य पछ्याएको भारतले २० ओभरमा ४ विकेट गुमाएर २ सय ४४ रन मात्रै बनाउन सक्यो ।

भारतका लागि लोकेश राहुलले अविजित १ सय १० रन जोड्दा रोहित शर्माले ६२ रन जोडे ।

जितसँगै वेष्ट इंडीजले दुई खेलको टि ट्वेन्टी श्रृंखलामा १÷० को अग्रता लिएको छ । दोस्रो खेल आज राती सोही मैदानमा हुनेछ । यसअघि चार टेष्टको श्रृंखला भने भारतले २÷० ले जितेको थियो ।

Comments

comments

सम्बन्धित शीर्षकहरु