एक व्यक्तिले दिए, ‘२२ रोपनी’ जग्गा निशुल्क

हिमाल एफ.एम.
सोलुखुम्बु, पुस २१

सोलुखुम्बुका एक व्यक्तिले अस्पताल निर्माणका लागि २२ रोपनी जग्गा निशुल्क प्रदान गरेका छन् । दुधकोशी सामुदायीक अस्पताल निर्माणका लागि थुलुङ दुधकोशी गाउँपालिकाले संचालन गरेको अभियान अन्तरगत अस्पताल निर्माणका लागि आवश्यक जग्गा २२ रोपनी निशुल्क प्रदान गरेका हुन् । जग्गादाता मुक्लिका गोरे राईलाई राजधानीमा आयोजित एक कार्यक्रममा सम्मान गरिएको छ । राई व्यवसायी हुन् । सामाजिक भावनाका साथ जग्गा प्रदान गर्ने राईलाई गाउँपालिका अध्यक्ष असिम राईले सम्मान गर्नुभएको हो । गाउँपालिकाले ५० शैयाको सामुदायीक अस्पता निर्माणार्थ सहयोग संकलन अभियान थालेको छ ।

अस्पताल निर्माणकै लागि गाउँपालिकाकै आयोजनामा आगामी चैत्रमा महायज्ञको आयोजना गर्दैछ । कार्यक्रमकै अबसरमा गाउँपालिका अध्यक्ष राईले महायज्ञवाट २० करोड सहयोग संकलन गर्ने आधार समाबेश गरिएको कार्यपत्र प्रस्तुत गर्नुभएको छ । लक्ष्य प्राप्तीका लागि शंकरबाबु कार्कीको संयोजकत्वमा वैदेशिक समन्वय समिति समेत गठन गरिएको छ । उक्त समितिको सदस्यमा नातिकाजी गुरुङ र बलराम गुरुङ रहेका छन् । गठित समितिले १५ भन्दा बढि देशमा गठित सहयोग समितिसंग समन्वयको काम गर्ने गाउँपालिकाले जनाएको छ ।

जग्गादाता सम्मान कार्यक्रममा उपस्थित भएका सरोकारवालाबीच अस्पताल निर्माणका लागि आयोजना गर्न लागिएको महायज्ञ सम्पन्नता र सहयोग संकलनका बारेमा अन्तरक्रिया गरिएको छ । महायज्ञमा पण्डित दिनबन्धु पोखरेलले कथा वाचन गर्नुहुनेछ ।

-->

सम्बन्धित शीर्षकहरु

error: Content is protected !!