अनिश्चितकालिन दाजीलिङ बन्द खुलेको १६ औं दिनपछि फेरि हिंसा भड्कियो

हिमाल एफएम,असोज २७,सोलुखुम्बु ।
अनिश्चितकालिन दाजीलिङ बन्द खुलेको १६ औं दिनपछि फेरि हिंसा भड्किएको छ ।शुक्रबार बिहान तकभर क्षेत्रमा सुरक्षाकर्मी र गोजमुमोका अध्यक्ष विमल गुरुङ पक्षका आन्दोलनकारीबीच झडप हुँदा एक जना सुरक्षाकर्मीसहित २ जनाको मृत्यु भएको भारतीय सञ्चारमाध्यमहरुले जनाउनुभएको हा । झडपमा अन्य थुप्रै घाइते भएको समेत उल्लेख गरिएको छ । मृत्यु हुनेमा प्रहरी सहायक निरीक्षक अभिताभ मल्लिक रहेका छन् भने मृत्यु हुने अर्का व्यक्ति मोर्चाका कार्यकर्ता भएको बताइएको छ । ती मृतकको सनाखत हुन सकेको छैन । त्यस क्षेत्रमा मार्चाका कार्यकर्ताले हतियार र बम लुकाएको सूचना आएपछि छापा मार्दा झडप भएको प्रहरीले दाबी गरेको इन्डिया टुडेले खवर सम्प्रेषण गरेको छ । यसअघि बिहीबार मोर्चाका अध्यक्ष गुरुङले अक्टोबर ३० तारिखमा आफू जनता माँझ आउने भन्दै अडियो सूचना सार्वजनिक गर्नुभएको थियो ।

Comments

comments

सम्बन्धित शीर्षकहरु